Sindicatos alvierten de que "esti ye'l tren caberu" pal sector llecheru y apuesten por un alcuerdu

Principáu, organizaciones agraries y industria van unviar un paquete de midíes al MAPA, ente elles un observatoriu de precios

UVIÉU, 01 d'Abril (EUROPA PRESS)

Los sindicatos agrarios alvirtieron güei a la industira llechera de qu'esti "ye ya'l tren caberu que-y queda al sector llecheru, qu'atraviesa una crisis gravísima ante los altos costes de producción", y destacaron amás que "cualquier descuidu que se cometa pue acabar cola actividá". Ante esta "grave" situación les organizaciones agraries, COAG, Asaja y UCA señalaron la necesidá de llegar a un alcuerdu marcu ente productores y industria que dea estabilidá a los precios.

Los sindicatos mostrábense asina na rueda prensa posterior al conceyu calteníu colos responsables de la Conseyería de Mediu Ambiente y Desarrollu Rural y representantes de la industria llechera pa establecer les pautes precises pa que les rellaciones ente les partes.

En dichu conceyu alcordóse, según esplicó la titular de la Conseyería, Belén Fernández, unviar al MAPA, una batería de propuestes pa que se puea dar cierta estabilidá al sector, a pesar de que, según Fernández, la principal causa de la votalitilidá de los precios "son les propies lleis de mercáu".

La conseyera aseguró que'l Gobiernu del Principáu aplaude la inciativa del MAPA d'aconceyar a toles partes implicaes pa llegar a un alcuerdu y destacó qu'apoyen la propuesta ministerial d'ellaborar un contratu tipu ente productores d'industries que funcione como marcu pa les rellaciones ente dambes partes y aporte seguridá al preciu la lleche.

Del paquete de midíes a proponer al MAPA, Fernández destacó tamién la creación d'un Observatoriu de los precios, que na so opinión "pue aportar tresparencia y más seguridá pa los productores". El presidente de l'Asociación Profesional Asturiana d'Industries Llecheres, Enrique López, alvirtió ya del peligru d'esti organismu, que pue "desinformar, más qu'informar" ya que, según esplicó, "son muchos los factores qu'influyen nel preciu de la lleche".

Otres de les midíes propuestes pasa pela "puesta en valor de tola trayectoria del productu", faciendo que la mesma "nun se quede a les puertes de la industria y llegue hasta'l final del procesu", ye dicir, hasta que la lleche llegue al consumidor. Insistir na importancia de les bones práctiques; ellaborar un programa añal de controles con indiferencia de la industria recoyedora y crear un protocolu de recoyedores son otres de les midíes que van treslladase al Ministeriu.

"Dende Asturies entendemos que se trata d'estudiar el problema dende una óptica nacional, pero entendemos que podemos treslladar al MAPA la posición de les partes del sector n'Asturies", dixo Fernández.