UVIÉU, 19 de Xineru (EUROPA PRESS)
El Bloque por Asturies (BA) mostró güei la so preocupación sobre qu'Asturies seya una de les Comunidaes Autónomes onde tán creciendo "cada vez más" los grupos neonazis, según los datos d'un estudiu de la Policía Nacional y la Guardia Civil.
L'estudiu diz que'l perfil de les persones que conformen estos grupos ye d'ente 15 y 45 años, sin estudios universitarios, paraos recientes y con trabayos poco cualificaos, qu'usen un discursu contra los inmigrantes, contra l'Islam, antisemita y que culpabilicen a los estranxeros de la crisis.
Tamién se confirma que suelen valise de determinaos campos de fútbol y del usu d'internet pa garrar xente mozo. Según el Movimientu contra la Intolerancia, estos grupos neonazis son los responsables de 81 asesinatos dende 1991 y de más de 4.000 agresiones al añu. Según la ONU, de les 4.000 webs que faen propaganda aria, 300 fáense nel Estáu Español col argumentu del 'stop a la inmigración', amás d'aprovechase de la rede pa proclamar la "supremacía blanca".
Estos datos y los últimos acontecimientos, según BA, confirmen lo que vienen denunciando dende hai años a la Delegación del Gobiernu, qu'estos grupos tán usando determinaes grades de fútbol col consentimientu de les directives. "L'exemplu más claru foi'l partíu del Sporting col Sevilla, onde ente los deteníos hai militantes y candidatos electorales d'estos partíos n'Asturies", caltienen.
Andalucía
