Vecinos de la zona rural defenden nun videu los topónimos Quimarán, Prevera, Llorgozana, Priendes y El Pieloro

UVIÉU, 26 d'Abril (EUROPA PRESS)

Un vídeu publicáu na dirección http://www.youtube.com/watch?v=VkGHKkZh8fA y descargable nel sitiu http://www.megaupload.com/?d=M46Y9EFY muestra a dellos vecinos de parroquies carreñenseses defendiendo Quimarán, Prevera, Llorgozana, Priendes y El Pieloro como les denominaciones tradicionales utilizaes nestos territorios.

El videu, publicáu pol colectivu Anonymous Ast, recueye un trabayu de campu realizáu pol profesor José Ramón Álvarez-Balbuena, xunto con Ramsés Ilesies Fernández y Xosé Antón Fernández 'Ambás', ente últimos del 2010 y primeros del 2011, según informa una nota de prensa enviada al respecto.

Na mesma, señálase que "ante la falta de rigurosidad nes noticies publicaes por dellos elementos sociales nel Conceyu de Carreño rellacionaes cola toponimia tradicional, el colectivu Anonymous AST publica un documentu audiovisual nel que se demuestra d'una manera nidia, terminante y incuestionable que los topónimos recoyíos pol equipu asesor y oficializaos nel BOPA de 6 de mayu del 2005, son los topónimos tradicionales, utilizaos polos vecinos de la zona".

Nel trabayu audiovisual, señala'l comunicáu d'Anonymous Ast, "recuéyense testimonios clarificantes, onde los nomes de Quimarán, Prevera, Llorgozana, Priendes o El Pieloro son los reconocíos polos vecinos como tradicionales, populares y cotidianos".

Anonymous Ast quier, "al traviés de les sos acciones, y al traviés d'esti videu en particular, plantar cara, d'una forma terminante, a aquellos elementos distorsionadores que pretenden callar la voz del pueblu, la voz de la xente, la voz popular".

L'aprobación como oficiales d'estos topónimos per parte del plenu del Conceyu de Carreño, y la so entrada en vixencia, xeneraron les protestes de delles asociaciones vecinales de la zona, que nun los reconocen como talos.