Detenida en Belmonte una familia propietaria d'una plantación de marigüana

UVIÉU, 30 de Setiembre (EUROPA PRESS)

La Policía Nacional d'Uviéu detuvo a una familia --los padres, un fíu y una fía-- propietaria d'una plantación de mariguana en Belmonte y a un vecín d'una finca llendera que se dedicaba a lo mesmo.

Según información policial, hai unos meses el Grupu d'Estupefacientes de la Xefatura Superior de Policía d'Asturies, entamó una investigación centrada nuna familia residente na población de Belmonte (Asturies) que presuntamente taba dedicándose al tráficu d'h.axís, cocaína y mariguana.

Nel rexistru de la so propiedá apaecieron siete plantes de mariguana cultivaes na zona del güertu y 164 plantes yá seques. Les plantes taben asitiaes nun llugar acutao y escondío pa la vista de la xente. Según la policía, les 164 plantes que s'alcontraben nel procesu de secáu apaecieron nel interior del horru de la finca que s'utilizaba pa estos fines.

Xusto cuando taba esmantelándose esta plantación los policíes que taben llevando a cabu estos trabayos decatáronse qu'un vecín de la finca llendera tamién se dedicaba a los mesmos menesteres. Procedió entós a la detención del home y a la captura de 23 plantes que s'alcontraben nun invernaderu.

L'invernaderu que se llogró esmantelar yera un sistema conocíu col nome de 'hidropónico-aeropónicu' completu, que disponía ente otros elementos de bomba d'agua, llámpares de haloxenuros metálicos, deshumidificador, humificadores, termu higrómetru, mididor del PH de líquidos, filtru d'agua osmótico inversu. Les parés taba forraes con planches de forespán que permitíen aislar les plantes del esterior dexando caltener unes condiciones determinaes de lluminosidá, temperatura y humedá.