Falcones publica 'Los herederos de la tierra' con Grijalbo y Rosa dels Vents

L'escritor Ildefonso Falcones publica esti miércoles colos sellos Grijalbo y Rosa dels Vents la novela 'Los herederos de la tierra', continuación del 'best seller' internacional 'La catedral del mar', informó la editorial nun comunicáu.

'Los herederos de la tierra' publícase n'España y en Llatinoamérica en formatu impresu y dixital, con una tirada inicial de 400.000 exemplares.

La novela sigue la historia que fai 10 años llogró más de seis millones de llectores en tol mundu, qu'acabó publicándose en 43 países y traducíu a 31 idiomes.

Amás, entamó'l rodaxe pa ser adautada como serie de televisión pola productora Diagonal TV, y va estrenase en 2017 n'Antena 3 y darréu en Netflix, plataforma con 81 millones d'usuarios que mercó los derechos pa tol mundu.

La historia asítiase otra vuelta na Barcelona del sieglu XIV, tres años dempués del final de 'La catedral del mar', y onde Hugo Llor, un güérfanu de doce años, trabaya nes atarazanes gracies a l'amabilidá d'Arnau Estanyol, quien tomó al rapazu na so proteición.

Sicasí, los sos suaños de convertise en constructor de barcos van caer nuna realidá dura y despiadada cuando la familia Puig, enemiga acérrima del so mentor, aproveche la so posición énte'l nuevu rei pa executar la so naguada vengación.