TOKIO, 11 de Marzu (EUROPA PRESS)
La cifra de desapaecíos pol terremotu de Xapón y el so posterior tsunami ye de polo menos 88.000, según informa l'axencia oficial de noticies xaponesa, Kiodo.
Ente 200 y 300 cadabres apaecieron nuna playa próxima a Sendai, la población más cercana al epicentru del terremotu de 8,9 graos que se produxo esti vienres na costa nororiental de Xapón, según informó la Policía de la prefectura de Miyagi, citada pola axencia estatal de noticies Kiodo.
Según la cadena de televisión estatal, NHK, los cadabres presenten síntomes de morrer afogaos. Pela so parte, la Policía Nacional acaba d'informar, citada por Kiodo, d'un nuevu balance oficial de 88 muertos y 349 sumíos nel nordés y este de Xapón.
Según el Centru d'Observación Xeolóxica d'Estaos Uníos (USGS), el terremotu tuvo una magnitú de 8,9 graos y prodúxose a sólo 24 kilómetros de fondura. L'epicentru alcontróse a 130 kilómetros mar adientro de Sendai, en Miyagi (en Honshu, la isla más importante del país).
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
