UVIÉU, 07 de Mayu (EUROPA PRESS)
Partidarios de la llingua celebaron güei'l Día de les Lletres Asturianes reclamando la oficialidá, nuna concurrida manifestación que, como tolos años, organizó la Xunta pola Defensa de la Llingua Asturiana.
Los manifestantes percorrieron la cai Uría encabezaos por un numberosu grupu de pandereteres qu'interpretaben al pasu el cantar d'esti añu de los Músicos pola Oficialidá. Siguíenles delles organizaciones y persones a títulu individual que secundaron la convocatoria pese al mal tiempu que reinó mientres tola xornada.
Grandes pancartes reclamando la oficialidá podíen lleese a lo llargo de la cai Uría, convinaes con conocíos glayíos, como 'Yá yá yá, oficialidá' o 'L'asturianu, llingua oficial'.
La marcha acabó na plaza del Teatru Campoamor, onde de siguío entamó l'actu institucional de l'Academia de la Llingua Asturiana, nel que se noma nuevu académicu al xurista lleonés Nicolás Bartolomé. Antes, na manifestación, l'escritor de Bual Miguel Monteavaro lleyó un discursu nel qu'exixó un tratu más dignu pa la llingua asturiana y la so reconocencia oficial, mui aplaudíu polos asistentes.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
