La Policía desagospia La Madreña y decenes de persones concéntrense en solidariá col colectivu

UVIÉU, 3 de Xunu (EUROPA PRESS)

La Policía desagospió esti martes a les seis persones que pasaron la nueche de guardia dientro del Centru Social Ocupáu y Autoxestionáu (CSOA) La Madreña, n'Uviéu. L'actuación policial tuvo como retruque una sentada de concentración de decenes de persones en solidaridá col colectivu na céntrica cai General Elorza, que cortó'l tráficu mientres unos minutos.

Los axentes llegaron al inmueble con cerca d'una docena de furgones sobre les 06.30 hores d'esti martes, 3 de xunu, dempués de que'l plazu dáu por un xulgáu d'Uviéu pa desallugar l'edificiu, antigua sede de la Conseyería de Sanidá, rematara na medianueche del 28 al 29 de mayu.

Les seis persones que quedaren a dormir montaron barricaes per dientro con maderes y la Policía utilizó "arietes" pa quitar les barricaes hasta llegar al últimu pisu, onde resistíen los 'okupes' "de manera pacifica", según relató ún d'ellos, Illán Vigil, en declaraciones a Europa Press.

El desagospiu duró aprosimao una hora, hasta que los identificaron identificaos y sacaron fuera del edificiu. Una vez nel esterior, al fondu de la cai entmaó una concentración en solidaridá colos desagospiaos.

Pasaes les 08.30 hores, los concentraos sentáronse ocupando la calzada d'ún de los sentíos de la cai General Elorza que cruza con avenida de Pumarín, y los axentes tuvieron que sacalos de la calzada ente engarradielles. Ente ellos alcontrábase'l voceru d'IU nel Conceyu d'Uviéu, Roberto Sánchez Ramos.

Dempués, siguieron siguen na zona, nuna cai peatonal axacente, glayando conseñes contra la represión policial y el desagospiu. A les 19.00 hores ta convocada una concentración d'apoyu delentre del edificiu.