Los tresportistes desconvoquen la fuelga tres un acuerdu coles patronales de viaxeros y sin Asetra

UVIÉU, 27 de Marzu (EUROPA PRESS)

Los sindicatos UXT y CC.OO acordaron esta nueche desconvocar la fuelga del tresporte tres dos xornaes de paru y al llegar a un acuerdu coles patronales de viaxeros y dalgunes empreses de mercancíes. El pactu algámase dempués de dos díes de paralización del tol tresporte de viaxeros per carretera.

Los sindicatos y les patroanles CAR, Asetra y Asvipymet acordaron firmar un acuerdu cola subida del 4 por cientu que van aceptar tamién dalgunes de les empreses de tresporte de mercancíes, anque non Asetra.

Pa resolver el conflictu col patronal mayoritaria, los sindicatos van reclamar un laudu de la Direición Xeneral de Trabayu y en casu de qu'Asetra nun acepte'l resultáu va presentar un conflictu llaboral, según informaron fotes sindicales.

Los sindicatos plantegaron nuna asamblea de tresportes los términos del acuerdu, que foi apoyáu por un ampalia mayoría.

A lo llargo de la xornada d'ayeri, Delegación de Gobiernu montó un dispositivu con unidaes de les fuerces de seguridá del Estáu reforzáu con unidaes especiales procedentes d'otros puntos d'España col fin de garantizar la llibre circulación de tolos autobuses y cambiones en tola comunidá.

Asina, a lo llargo de la xornada facilitóse proteición a los vechículos que lo solicitaron lo que permitió incrementar el tresporte escolr y de viaxeros. El tráficu de mercancíes pasó con normalidá, según informó la Delegación de Gobiernu nun comunicáu.

Los incidentes de mayor relevancia na xornada d'ayeri rexistráronse nel cascu urbanu d'Uviéu, onde hubo rotura de llunes del serviciu de tresporte urbanu. Tamién se constató dalguna rotura de cristales y ruedes pinchaes n'otros tres autobuses nes poblaciones ded Nava, Xixón y Trubia. Nos polígonos industriales de Silvota, Asipo, Tremañes y Espíritu Santo rexistráronse piquetes a los qu'identificaron los cuerpos de seguridá.