GASTEIZ, 18 Dic. (EUROPA PRESS) -
Eusko Jaurlaritzak 130.000 euroko diru laguntza onartu du astearte honetako bileran Herri Urrats elkartearentzat, urteroko Iparraldeko ikastolen jaia eta horren inguruan antolatzen diren jarduerak finantzatzen laguntzeko. Kultura eta Hizkuntza Politika Sailak bideratuko duen diru laguntzak iazko kopuru bera du aurten.
Gazteen aisialdian euskararen erabilera sustatzea helburu duten egitasmoak bultzatu nahi ditu Jaurlaritzak diru laguntzaren bidez. Halaber, Senperen (Lapurdi) ospatzen den Herri Urrats jaialdia bera lagunduko da, bai eta horren inguruan antolatzen diren kultura eta aisialdi jarduera guztiak ere.
"Izan ere, Iparraldean euskararen inguruan antolatzen den ekitaldirik nabarmenena da Herri Urrats eta Eusko Jaurlaritzak aitortzen du gure hizkuntza aisialdian eta gazteen artean bultzatzeko egiten den esfortzu hori", azaldu du.
