O eucalipto máis alto de Europa, en Viveiro (Lugo), recibe un dos Premios Árbore do Ano

Europa Press Galicia
Actualizado: viernes, 19 noviembre 2010 18:45
@epgalicia

O soto de Santa Eufemia, tamén na provincia lucense, galardoado na categoría de bosque ameazado

SANTIAGO DE COMPOSTELA, 19 Nov. (EUROPA PRESS) -

O eucalipto máis alto de Europa, coñecido como 'Avó de Chavín' e situado na localidade lucense de Viveiro, recibiu un dos sete Premios Árbore do Ano que organiza Bosques sen Fronteiras en colaboración coa Fundación Biodiversidade.

Tamén en Lugo, o soto de Santa Eufemia foi recoñecido na categoría de bosque ameazado, xa que está a sufrir reiteradas agresións "que están a minguar e contaminando a súa superficie", segundo resaltou a organización nun comunicado.

Coincidindo co Ano Internacional da Diversidade Biolóxica, Galicia foi a Comunidade Autónoma que presentou máis árbores e arboredos como candidatos, un total de 12; seguida de Castilla León (con 11), Cataluña (9), Madrid (8), Castilla La Mancha e Canarias (4 cada unha), Valencia (3), Murcia e Cantabria (2), Asturias e Andalucía, cunha, cada unha.

Propiedade da Xunta e presentado pola Asociación Eucaliptos Singulares, o 'Avó de Chavín' é un eucalipto branco radicado no Concello de Viveiro. Ten 126 anos, unha altura de 71,4 metros e foi declarado Monumento Nacional de Galicia.