Memoria.- Máis dun centenar de persoas concéntranse en O Castro para esixir a retirada da cruz franquista

Europa Press Galicia
Actualizado: sábado, 27 noviembre 2010 21:13
@epgalicia

SANTIAGO DE COMPOSTELA 27 Nov. (EUROPA PRESS) -

Máis dun centenar de persoas concentráronse esta tarde no monte do Castro, para esixir a retirada da cruz franquista deste enclave e dar así cumprimento á lei de memoria histórica impulsada polo PSOE.

Así o sinalaron a Europa Press fontes da Asociación Viguesa pola Memoria Histórica do 36, os que "non "rematan de entender" porqué o rexedor municipal, Abel Caballero, non se ha decido á retirada deste símbolo, a pesar de que "xente do seu equipo de Goberno e do seu partido" apoian a retirada.

"A Lei de Memoria é moi clara, só os elementos artísticos teñen que ser autorizados por un organismo superior para definir de que forma hai que trasladalo. Neste caso non, é de formigón e está nun parque público, non nunha Igrexa", explican.

Deste modo, recordaron que presentaron 4.046 sinaturas en apoio á súa retirada e que Caballero "non contestou" ás demandas deste colectivo. "Sabemos que hai xente que está perfectamente identificada. Temos un proxecto e non imos parar. Temos claro que hai unha Lei de Memoria Histórica que é de obrigado cumprimento", sinalan.