O Observatorio do Medicamento prevé "insuficiente" o presuposto asignado pola Xunta ao gasto farmacéutico de 2011

Europa Press Galicia
Actualizado: lunes, 28 febrero 2011 18:44
@epgalicia

Di que a racionalización "vai moito máis alá da implantación dun catálogo discriminatorio"

SANTIAGO DE COMPOSTELA, 28 Feb. (EUROPA PRESS) -

O Observatorio do Medicamento, estudio elaborado mensualmente pola Federación Española de Farmacéuticos (FEFE) e a Federación Galega (Fefga), e baseado nos datos publicados polo Ministerio de Sanidad, revela na súa edición de xaneiro un "desaxuste" entre a previsión de gasto e a partida asignada pola Xunta para o gasto farmacéutico en 2011, que estima "insuficiente".

Deste modo, partindo da media nacional de aforro previsto, un 8 por cento, considera que "a Xunta necesitaría unha partida de 856,58 millóns de euros", 41,6 máis de previstos tras reducir en case un 5 por cento a contía de asignada en 2010 e que, segundo os datos achegados, "tamén resultou insuficiente", matiza.

As cifras anuais do gasto farmacéutico por comunidades en 2010 revelan un aforro sostido, situándose Galicia no oitavo posto ao reducir o seu gasto total nun 0,63 por cento fronte ao 3,21 por cento da media nacional, sinala o Observatorio.

CATÁLOGO "DISCRIMINATORIO"

Na súa análise dos datos do Observatorio do Medicamento, o presidente da Fefga, José Luis Rodríguez Dacal, fixo "especial fincapé" en que "as comunidades que máis reduciron o gasto o fixeron a través da implantación de medidas de xestión eficiente" que, subliña, demostran que a racionalización "vai moito máis alá da implantación dun catálogo discriminatorio" e que, engade, "é innecesario limitar as posibilidades dos tratamentos ao xenérico máis barato".

"De feito, a consellería xa rectificou neste sentido para axustarse á entrada en vigor, mañá, do novo catálogo nacional de prezos de referencia", expón.

"Estamos moi satisfeitos con esta noticia que, en si mesma, é moi boa para os pacientes galegos e esperamos que este axuste axude tamén a corrixir a desviación da previsión do gasto, porque estamos a falar dun tema altamente sensible para os cidadáns", sentenza.