Asetra sollerta de la falta de profesionales como principal problema del sector del tresporte per carretera

UVIÉU 27 Feb. (EUROPA PRESS) -

El presidente de l'Asociación de Tresportes d'Asturies, Ovidio de la Roza, fixo balance esti xueves del comportamientu del sector de tresporte de mercancíes per carretera a lo llargo de 2024 y sollertó de qu'el "principal problema con diferencia del sector ye ensin dulda la falta de profesionales".

"Con tolos problemes que tenemos, que son munchos como la transición enerxética y descarbonización o les comunicaciones, percima de cualesquier otru ta la falta de profesionales. Hai un déficit de 30.000 conductores n'España y 600 n'Asturies de calter inmediatu y hai empreses que tienen parada parte de la flota o que nun crecer más por esi problema", dixo De la Roza.

El presidente de la patronal de mercancíes per carretera reconoció que'l sector "tien munchos inconvenientes" y por eso tán trabayando de la mano de les alministraciones para llograr faelo más curiosu. Para ello yá hai meses de trabayu que proponen midíes en delles direcciones.

Llograr que'l sector conózase mas, que se d'una formación profesional afecha y que a los 18 años puedas yá se pueda unu xubir al camión, integrar la inmigración superanjdo los problemes de burocracia o ameyorar les condiciones de trabayu como prohibir carga y descarga per parte de el conductores o que se rebaxen tiempos d'espera, son dalgunes de les midíes.

Y ye que la tema salarial nun consideren que sía agora mesmu'l que más alloña a los mozos d'esti sector. "Güei un bon conductor en netu non te baxo de 2.500 euros netos. Qu'hai xente y empreses que pague menos seguru que sí, qu'hai pirates pos seguro que tamién pero eso a quien más perxudica ye a les empreses que cumplen col conveniu", indicó Ovidio de la Roza.

ESMOLICIÓN POR FUTURU DE ARCELORMITTAL

Otra de les principales esmoliciones del sector del tresporte de mercancíes per carretera n'Asturies ye la incertidume que xenera'l futuru de la industria na rexón y más en concretu de ArcelorMittal. Esplicó Ovidio de la Roza qu'en 2024 les paraes y la baxada de producción de la multinacional supunxo 5.000 servicios menos.

Teniendo en cuenta que ArcelorMittal supon un eleváu porcentaxe de l'actividá del sector nel Principáu, la falta de certidumes sobro la so producción futura esmolez enforma a la patronal del tresporte.

"Lo único que aparentemeente va salise alantre ye'l fornu electrico de Veriña, pero eso produz la metá de lo qu'agora producen los altos fornos colo que tamos ante xuna auténtica incertidume y lo que se nos trata de vender dende l'Executivu, autonímico y central, nun nos esclaria nada. Europa pegóse un tiru nel pie cola so política industrial y de descarbonización y síguese engañando a si mesma, y si a esto xunimos la tema arancelaria d'EEXX la inquitud y l'incertidume ye entá mayor nel sector", dixo De la Roza.

Otra de les cuestiones qu'en 2024 provocaron perdes para'l sector foi'l argayo sufiertu na autopista del Güerna qu'obligó a los camiones a esviase per Payares mientres 17 díes. Eso supunxo aumentar los costos al sector nunos 80 millones d'euros. "Creo sía comoquier que tuvieron rápidos a la de faer el baypass pero agora vamos ver cuando acaben les obres", indicó'l presidente de Asetra.

DATOS DE 2024

Al respective de les principales cifres del sector nel pasáu exerciciu, destaca Asetra que n'Asturies creció'l pasáu añu "un poco menos que'l restu d'España", como sueli ser habitual, asina'l comportamientu foi desigual a lo llargo del exerciciu con "un primer semestre bien baxu y dempués xuna importante xubida con un bien bon segundu semestre que dexó cifres positives con una facturación de 800 millones d'euros, un 2,3% más.

Tamién creció númberu d'empreses y de vehículos, con un 3,61% más para los pesaos y 4% más para los llixeros y algamáronse los 12.000 empleos directos. N'Asturies esti sigue siendo un sector "bien atomizáu". "Esi ye unu de los principales defectos, nun llegamos a 2,7 vehículos per empresa de media", incidió De la Roza.