UVIÉU, 12 Ene. (EUROPA PRESS) -
El martes próximu, 16 de xineru, a les 19.30 hores, nel local social del Atenéu Obreru de Xixón, l'asociación Ástura entama una conferencia sobre 'La casa tradicional asturiana nel marcu de la céltica atlántica', a cargu del etnógrafu Ástur Parés.
Col apoyu de material gráficu abondo, la conferencia plantea un percorríu pela arquitectura doméstica asturiana, dende los sos oríxenes na casa castreña, hasta formes evolucionaes de casa llabradora qu'entá caltíen presencia a lo llargo del territoriu asturianu.
Nesa llinia evolutiva, al traviés del tiempu, establécense comparances con realidaes paraleles de la Céltica Atlántica --Gales, Escocia y Irlanda--, que lloñe de ser un meru isomorfismu respuenden a una semeyanza conceptual fonda.