Belarmina Díaz presenta la so dimisión

    UVIÉU, 15 Abr. (EUROPA PRESS) -

   La conseyera de Transición Ecolóxica, Industria y Comerciu del Gobiernu asturianu, Belarmina Díaz, presentó la so dimisión con calter irrevocable.

   Confirmolo esti martes n'una comparecencia na Xunta Xeneral del Principáu d'Asturies (JGPA) sobro l'accidente del pasáu 31 de marzu na mina de Zarréu, nel conceyu asturianu de Degaña, onde cinco operarios finaron y otros cuatro resultaron mancaos.

   "Gracies, presidente, por confiar en mi, pero como bien sabes, yo acepté'l cargu de conseyera pa trabayar por y p'Asturies. Dende l'accidente'l mio únicu oxetivu yera la investigación, verdá y xusticia, y tengo claro qu'en nengún casu voi ser una torga pa la investigación, nin pa conocer la verdá, nin pa que se faiga xusticia", díxo-y al presidente del Principáu, Adrián Barbón, presente na sesión.

TE PUEDE INTERESAR

Precio, modelos y puntos de recarga: Qué saber para comprar un coche eléctrico

DIMITE BELARMINA DÍAZ

    Tal y como s'estableció nel orde del día, Belarmina Díaz tuvo una intervención inicial de venti minutos. Dedicó esi tiempu a dar información sobre l'accidente y los trámites alministrativos sobre la esplotación. Fue dempués d'escuchar al restu de voceros, bien críticos colos controles del gobiernu nes esplotaciones mineres, cuando Díaz dio la noticia.

   Na so intervención final acusó a PP y a Vox de "utilizar políticamente" l'accidente y de nun tener interés en conocer lo qu'asocedió de verdá.

   Dijo que-y "tendió la mano" al presidente del PP d'Asturies, Álvaro Queipo, pa falar y que nun recibió respuesta. "Porque a ustedes nun vos importa por qué fue la esplosión de grisú de Blue Solving". "Tan solo interésaos en exercer un ataque permanente y personal contra la mi persona, que nin yo nin la mio familia merecemos", añedió.

   Belarmina Díaz llevaba hasta la fecha unos dos meses nel cargu, dempués d'asoceder nel cargu a Nieves Roqueñí, que ta presidiendo'l Puertu de Xixón.