UVIÉU, 9 Jul. (EUROPA PRESS) -
El Prau Gervasia de Candás, en Carreño, va acoyer esti vienres 19 de xunetu la Nueche Celta, que llega a lo so XI edición con Loína, José Manuel Tejedor y Llan de Cubel. L'eventu, qu'entama'l Conceyu de Carreño en collaboración cola Conseyería de Cultura, Política Llingüística y Deporte, va principiar a les 22.00 hores.
Nél van participar Loína, un tríu formáu por Julio Rodríguez y los hermanos Andrea y Rodrigo Joglar qu'interpreten música folk de cámara; José Manuel Tejedor, un de los gaiteros más reconocíos d'Asturies y que publicó yá dos discos; y Llan de Cubel, ún de los grupos más reconocíos de la música folk asturiana.
La XI Nueche Celta de Candás ta dientro de los circuitos d’Asturies, Cultura en Rede, un proyectu de la Conseyería de Cultura, Política Llingüística y Deporte, lleváu a cabu en collaboración colos conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies.
Andalucía
