CC.OO convoca una fuelga sanitaria la selmana del 3 al 7 de marzu pa exixir una UPE y que nun se privaticen servicios

UVIÉU, 25 de Febreru (EUROPA PRESS)

La Federación de Sanidá de Comisiones Obreres (CC.OO) conovó una fuelga pa los díes 3, 4, 5, 6 y 7 de marzu en tolos centros sanitarios del Principáu d'Asturies pa exixir una Ufierta Pública d'Emplegu (UPE) "según los términos alcordaos y agora imcumplíos, con toles places comprometíes" y pa que "nun se privaticen servicios" nel Serviciu de Salú del Principáu (Sespa).

"Nun tamos dispuestos a dexar pel camín más de 1.200 places, nin vamos permitir que se basen na prollongación presupuestaria pa convocales. Sinón les oferten ye porque nun-yos da la gana. Exiximos una UPE con toles places y pa toles categoríes", sostién el sindicatu.

Tamién reinvindiquen la "no privatización de servicios". Por ello, exixen que'l Sespa caltenga como públicos servicios de mantenimientu, cocina, llavandería o d'alministración.

Asina lo indicó en declaraciones a Europa Press el secretariu xeneral de la Federación, José Carnero, quien apuntó que ye una respuesta a la "práctica supresión del alcuerdu'l pasáu 20 de febreru". Pel momentu, la convocatoria nun ta apoyada por otros sindicatos, anque Carnero señaló qu'espera que los demás "se sumen a la fuelga" ya que "taben tamién na mesa y conocen la situación". DEnde CC.OO va caltenese la convocatoria "ante la falta de comunicación mostrada pola Alministración sanitaria", dixo.

P'animar a los trabayadores, tanto de personal non sanitariu como de facultativos, los representantes sindicales entamaron a realizar asamblees informatives polos centros. Güei tuvieron nos centros del área VI (Les Arriondes), l'area VIII (Valle del Nalós-Llangréu), y nel HUCA. Demientres esta selmana van siguir coles asamblees nes demás árees sanitaries.

MOTIVOS PA LA FUELGA.

Secún CC.OO, los motivos de la convocatoria de fuelga céntrense en que dende hai más d'un añu "la parálisis de l'alministración del Principáu d'Asturies ye más qu'evidente ya que cuestiones que ya deberíen de tar resultes a estes altures, tán dormiendo'l suañu de los xustos".

Ante la "pasividá" y "la falta de seriedá y rigor" per parte de los responsables de l'Alministración asturiana, el sindicatu considera necesario conovar una fuelga na Sanidá Asturiana "pa exixir respuestes a toa una serie de problemes a los cuales a día de güei l'Alministración nun-yos da solución, y que suponen un pilar fundamental pa caltener un sistema sanitariu públicu y de calidá n'Asturies".

Asina, exixen el cumplimientu de los alcuerdos firmaos pola Alministración y "incumplíos reiteradamente". "Del alcuerdu de modernización del 2005 firmáu nun se cumplieron nin el 50 por cientu".

Soliciten tamién que se caltenga l'alcuerdu no referente a la UPE del personal del SAC, pa la creación d'una nueva categoría, y poro convocar les places como Médicu/DUE de SAC.

Adautar les plantiyes a les necesidaes reales ye otra de les exixencies de CC.OO como motivu del paru pa la selmana de les elecciones xenerales. "Tamos viendo diariamente en tolos centros del Sespa que les cargues de trabayu, en llugar de baxar, aumenten día a día, y eso ye consecuencia d'una mala planificación y sobre tou d'una escasez de personal", asevera'l sindicatu.

De la mesma manera, soliciten un "estudiu rigurosu" de les cargues de trabayu. RPT pa tol personal y aumentu de places en tolos centros.

"Hai más d'un añu que l'Alministración comprometióse a pesllar el procesu d'organización de l'Atención Continuada. Tres delles xuntes y debío al anterior procesu electoral, quedó aplazáu pal segundu semestre del añu 2007, incluyendo nesta negociación la emponderación de xornada asina como retribuciones variables pal personal del SAC/SUAP/SAMU. A fecha de güei y tres delles convocatories de conceyos y posteriores anulaciones, tamos na mesma situación de fai dos años", llamenten dende'l sindicatu.

Amás, tres l'alcuerdu de modernización el 31 d'avientu del 2007, exixen a l'Alministración "l'abertura de la mesa de negociación pa tratar un nuevu alcuerdu". "El personal del Sespa sufre perdes de poder económicu tolos años: l'IPCE real del 2007 y d'un 4,2 por cientu y la subida saliarial ye del dos por cientu", señala CC.OO.

Tamién exixen la promoción interna real y a toles categoríes; la creación de nueves categoríes (informáticos, técnicos de prevención o dietistes ente otros); concursu de tresllaos previos a la OPE y pa toles categoríes; asina como la xubilación parcial anticipada (contratu relevu).