UVIÉU, 28 Ago. (EUROPA PRESS) -
El conseyeru de Mediu Rural, Marcelino Marcos Líndez, repitió esti miércoles n'Avilés qu'a día de güei "nun-yos consta nengún animal positivu afectáu pola Enfermedá Hemorráxica Epizoótica (EHE). "Ye verdá que s'unviaron dalguna amuesa al llaboratoriu y ta pendiente'l resultáu pero lo que ye güei nun hai nengunu", indicó.
Amás el conseyeru manifestó que nun hai nengún interés per parte del Principáu en negar la enfermedá, sinón que lo que quieren ye que realmente se sepa si realmente hai incidencia o nun la hai y pa eso requierse la collaboración de los afectaos cumpliendo'l protocolu. Esto ye, precisen que se realice la estracción d'eses amueses pa poder treslladales al llaboratoriu y saber si realmente esos animales tán afectaos o non.
"Queremos conocelo per un sitiu, por un interés clínicu, pero tamién per otru llau, por si nel so casu, si hai un perxuiciu económicu, poder habilitar l'ayuda", dixo'l conseyeru, dempués de que'l PP acusara al Principáu de mentir.
Marcos Líndez aportunó en que desque la pasada seronda detectóse la enfermedá, n'Asturies, rápidam,ente lo que se fixo ye conceyoa dende'l Ministeriu, de manera que se creó grupos de trabayu p'analizar la incidencia y les midíes que se teníen que tomar. Recordó que ye una enfermedá de declaración obligatoria y estableciéronse unos protocolos que "taben claros naquel momentu y que tán claros nesti momentu".
"Lo primero ye eso, Asturies tien protocolos igual que tien el restu de comunidaes autónomes, porque vienen establecíos per parte del Ministeriu colo cual cualquier manifestación que vaiga n'otru sentíu ye falsu de toa falsedá. De segundes, de la mesma manera qu'hai protocolos, nesos protocolos ta establecíu de qué manera se puede detectar si un animal tien esa enfermedá o nun la tien", dixo'l conseyeru qu'añadió qu'hai un rexistru de los animales que son positivos, que ye un rexistru que figura nel mesmu Ministeriu.
Nesti sentíu manifestó que lo que tien que faer el ganaderu cuando detecta dalguna sintomatoloxía ye dir al veterinariu clínicu de la so esplotación pa sacar les muestres y, a partir d'ehí, realizar les pruebes pertinentes.
AYUDES
Indicó qu'en próximos díes va llevar a conseyu de Gobiernu les ayudes destinaes a ganaderos con animales afectaos por esa enfermedá mientres el periodu que va hasta aprosimao'l mes d'abril y darréu si xurden nuevos casos. Sicasí aportunó en que pa ello lo qu'hai que faer ye tomar les muestres y realizar les pruebes. ...
Andalucía
