UVIÉU, 24 Sep. (EUROPA PRESS) -
El Boletín Oficial del Principáu d'Asturies (BOPA) publicó esti martes la convocatoria d'ayudes económiques destinaes a la organización d'eventos deportivos nel Principáu d'Asturies, a les que se destinen 250.00 euros.
L'oxetivu de la Conseyería de Cultura, Política Llingüística y Deporte ye apoyar a les entidaes deportives asturianes nel desenvolvimientu de pruebes incluyíes nel calendariu de competiciones oficiales de les correspondientes federaciones deportives, asina como d'aquelles diferenciaes pola so popularidá y tradición.
A estes subvenciones, enmarcaes nes polítiques públiques pal fomentu de la práctica deportiva, pueden optar hasta'l 8 d'ochobre los clubes asturianos llegalmente constituyíos. La cuantía máxima que van poder recibir les organizaciones va ser de 20.000 euros per proyectu.
Ente los criterios pa la selección de les propuestes va evaluase la relevancia de les pruebes deportives, el calter internacional, la participación igualitaria de muyeres y homes, la inclusión de les persones con discapacidá o l'aportación de recursos propios.
Andalucía
