Cultura y gastronomía popular asturiana protagonicen la XXI Seronda n'Avilés

UVIÉU 21 Oct. (EUROPA PRESS) -

La plaza Hermanos Orbón vuelve a convertise nel Mercáu de Les Aceñes cola XXI edición de la Seronda n'Avilés, el vienres 25 y el sábadu 26 d'ochobre.

L'actu, organizáu pola Federación d'Asociaciones Xuntanza d'Avilés, el Conceyu d'Avilés y la collaboración de La Plaza y Caja Rural de Asturias, va tener una carpa con un chigre, lleváu pola Asociación Cultural de Piniella, que va permitir tastiar productos como la sidra, castañes o tortos.

Tamién va haber un escenariu, onde la música va convertise nel otru gran protagonista del programa d'actividaes, yá dende la inauguración oficial, el vienres a les 19.15 hores cola actuación de la Bandina Cuatrolán.

El mesmu vienres van garrar el relevu los bailles y soníos más tradicionales gracies al trabayu de Xaréu d'ochobre y Escontra'l raigañu, pa siguir depués cola Bandina Cuatrolán pa terminar con Marta Elola y Arella, a les 22.00 hores.

Pal otru día, el sábadu 26, la carpa y el chigre abren a les 12.00 hores cola música del Área Tradicional de la Escuela Municipal de Música "Beatriz Osorio" de Bembibre (Llión), pa siguir colos cantares de "Amigos del chigre", hasta llegar a la xinta popular, col pote de berces y arroz con lleche, a les 14.00 hores.

Pela tarde, va acutase un espaciu pa la reciella col cuentu "Efectos naturales", a les 17.00 hores. Dempués, l'Área Tradicional de la Escuela Municipal de Música "Beatriz Osorio" de Bembibre va actuar enantes de qu'entame la 'Nueche en danza' con 6 Riales (20.30 horres) y el ramu que lu van poner Pandereteros d'Anguaño (22.00 hores).