UVIÉU, 27 Jun. (EUROPA PRESS) -
El profesor de la Escuela de Música de Tinéu, David Varela, denunció que'l Conceyu --gobernáu por PP y Vox-- eliminó l'asturianu de la web municipal y de les instancies de solicitú de matricula de la Escuela pal cursu viniente.
En declaraciones a Europa Press, Varela esplicó que comprobó la situación pol avisu de dellos escolinos del centru y depués de que, dende hai cuatro años, les instancies tuvieren en castellanu y asturianu. Sicasí, pal cursu 2024/2025 la inscripción de matrícules namás se pue facer en castellanu.
"La propuesta billingüe nunca causó nengún tipu de dilema o contrariedá pa nengún componente de la comunidá educativa", esplicó Varela, que recuerda que na Escuela de Música de Tinéu, onde lleva venti años dando clase, "s'imparten disciplines tan enraigonaes al conceyu vaqueiru como gaita, tambor, acordión diatónicu, bail.le ya percusión tradicional, con una abultable y reconocida participación d'alumnáu".
El maestru y músicu afirmó que lleva dellos años trabayando pola cultura de Tinéu "col rigor máximu y poniendo clase nes variantes llingüístiques del Occidente", polo que-y paez "bien grave hacia les llibertaes qu'asina, de sópitu, se llimite dalgo que considero debería ser normalizao y de lo que tengo que faceme interlocutor como responsable del aula d'acordión na escuela".
Andalucía
