UVIÉU 25 Nov. (EUROPA PRESS) -
El presidente del Principáu, el socialista Adrián Barbón, anunció esti domingu que va proponer a la Xunta Xeneral del Principáu la concesión del títulu de Fíu Adoptivu d'Asturies al diseñador gráficu catalán Arcadi Moradell Bosch, ceador del logu y el lema 'Asturies Paraísu Natural'.
Na inauguración de l'ampliación de les instalaciones del Centru Asturianu de Barcelona, Adrián Barbón recordó que se van cumplir en 2025 los 40 años de la creación de la imaxe reconocida, una alegoría del paisaxe asturianu cola dicotomía mar y monte vistos al traviés de la triple arquería de Santa María del Naranco, iconu del prerrománicu asturianu, y un sol radiante que nos recuerda que non siempre llueve n'Asturies.
Naquel momentu, recordó'l presidente, "Asturies yera una tierra en reconversión, pero güei somos un atractivu turísticu de primer nivel".
La distinción de Fíu Adoptivu ta acutada pa los que destacaren polos sos servicios en beneficiu de la comunidá autónoma, con independencia del so llugar de nacencia.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
