UVIÉU 9 Dic. (EUROPA PRESS) -
Nel marcu de les XV Xornaes d'Estudios Locales de Grau, esti xueves 15 d'avientu a les 19.30 hores, va presentase l'audiovisual 'Xente de Grau, feries ya mercáu', un trabayu realizáu por Xosé Ambás y Ramsés Ilesies en collaboración con Paloma Sánchez y Santiago Rodríguez.
Esti audiovisual forma parte del trabayu que l'equipu realizó nel últimu añu recoyendo testimonios sobre la historia comercial
de la villa. Nél recueyen les esperiencies vitales de más d'una trentena de vecines y vecinos de tol conceyu pa conocer la historia del comerciu local, los mercaos y feries, los productos tradicionales, les zones del mercáu, los establecimientos y les industries históriques de la villa.
Trátase del resultáu de trabayu de documentación y escoyeta de testimonios, fotografíes y pieces pa la sede nueva del Muséu Etnográficu y d'Historia de Grau, denomináu 'Grau villa ya mercáu', que va abrir les sos puertes nel palaciu de Fontela.
L'audiovisual, que va formar parte del espaciu espositivu, va poder vese na primer sala del muséu dedicada a la historia de la villa y el conceyu y va introducir a los visitantes na historia local al traviés de los sos protagonistes.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
