Una esplosión de gas dexa siquier 17 mancaos en Mieres

UVIÉU 3 Mar. (EUROPA PRESS) -

Una esplosión de gas asocedida na cai Ramón y Cajal de Mieres dexó, siquier, 17 mancaos. El Serviciu d'Emerxencies del Principáu d'Asturies (SEPA) movilizó a efectivos de Bomberos del SEPA de los parques de Mieres y La Morgal y a la Unidá Canina de Rescate.

Según datos facilitaos pol Serviciu d'Atención Médica Urxente trés persones resultaron feríes graves tres la esplosión rexistrada na Cai Ramón y Cajal de Mieres. Los trés mancaos fueron tresllaos al Hospital Universitariu Central d'Asturies (HUCA), n'Uviéu.

Los equipos sanitarios movíos al llugar atendieron a un total 17 persones (6 muyeres y 11 homes) incluyíos los trés persones mancaes de gravedá. L'hospital Álvarez Buylla atendió a 10 pacientes, 9 allegaron pelos sos medios y otra derivaba en medios movilizaos pol SAMU, al Valle del Nalón deriváronse a dos pacientes y otros dos fueron daos d'alta in situ.

Los bomberos solicitaron la movilización de maquinaria para poder retirar parte de los escombros y rastrexar la zona para verificar si hai persones atrapaes nel interior.

El Centru de Coordinación d'Emerxencies del 112 Asturies recibió l'avisu a les 16.00 hores. Nes llamaes indicaben que se produxera una gran esplosión y había siquier siete persones mancaes.

Amás de movilizar a los bomberu pasó l'avisu al SAMU, qu'activó para'l llugar a los equipos médicos de trés UVI-móviles y trés ambulancies, una d'elles de soporte vital básicu.

En llegando al llugar los bomberos del parque mierense confirmaron qu'una vivienda taba derruida y había fueu n'una allegante. Tamién s'avisó a la Policía Local y Nacional.

Hasta la zona del sucesu tamién s'averaron la delegada del Gobiernu n'Asturies, Adriana Lastra, y la conseyera de Salú del Principáu, Concepción Saavedra.