La esposición 'Artistas Asturianos na Colección Pérez Simón' abre les puertes esti xueves 10 d'abril

   AVILÉS, 8 Abr. (EUROPA PRESS) -

   La Sala d'Esposiciones de la Casa de Cultura d'Avilés va acoyer dende esti xueves 10 d'abril, y hasta el 28 de setiembre, la esposición titulada 'Artistas Asturianos na Colección Pérez Simón', una amuesa que reafita'l compromisu del mecenas y coleicionista asturianu-mexicanu, Juan Antonio Pérez Simón, con Avilés.

   Tres les muestres de Úrculo nel Niemeyer y de Sorolla na Casa de Cultura en 2023, y 'Muyeres Artistes na Colección Pérez Simón' el pasáu añu, Avilés va poder esfrutar una vegada más de l'ayalga artística que salvaguarda Juan Antonio Pérez Simón.

   Esta nueva esposición ta conformada por 20 pieces, 14 llenzos y 6 escultures. Comisariada igualmente pola doctora n'Hestoria del Arte Alicia Vallina, trátase d'una escoyida selección de les obres de los artistas asturianos más representativos dende'l sieglu XIX hasta l'actualidá, que s'atopen na so colección.

   Podrán contemplase obres de Darío de Regoyos, Juan Martínez Abades, Agustín Otermín y García Bustamante, Evaristo Valle, Nicanor Piñole, Mariano Moré, Paulino Vicente Rodríguez, Aurelio Suárez, Orlando Pelayo, Antonio Suárez, Armando Suárez, Hugo Fontela, Sebastián Miranda, José María Navascués, Fernando Suárez y tamien representación d'Avilés, con Amado González Hevia 'Favila',(nacíu en Grau como Hugo Fontela).

L'amuesa va inaugurase a les 12.00 hores d'esti xueves 10 d'abril, cola presencia de la concejala de Cultura, Yolanda Alonso, y de la comisaria de la esposición, Alicia Vallina.

   'Artistas Asturianos na Colección Pérez Simón' podrá visitase de llunes a sábadu, de 11.00 a 14.00 y de 17.00 a 21.00 hores; y los domingos y festivos, de 11.00 a 14.00 hores. En periodu branizu, del 15 de xunu al 15 de setiembre, l'horariu d'apertura va ser el siguiente: llunes a vienres de 11.00 a 14.00 y de 17.00 a 21.00 hores, y sábados de 11.00 a 14.00 hores. Domingos y festivos va permanez cerrada al públicu.