UVIÉU 12 Sep. (EUROPA PRESS) -
La compañía Factoría Norte va estrenar esti sábadu 14 de setiembre, a les 18.30 hores nel hall del Teatru de la Llaboral, el so espectáculu nuevu 'Dormiyosos', una propuesta novedosa que realiza en collaboración con El Encuentro Teatro.
'Dormiyosos' ye una instalación escénica, poética y ensin palabres que crea un universu d'espacios sonoros, visuales y suxerentes, que dexen la puerta abierta a la imaxinación del espectador.
Esti espectáculu, que va permanecer 90 minutos nel hall del teatru, ta dirixíu a públicu de toles edaes y tuvo la so presentación la fin de selmana pasada n'Os Ozcos coincidiendo colos actos del Día d'Asturies.
L'espaciu escénicu en 'Dormiyosos' estructúrase nos distintos hábitats de los personaxes, híbridos a metá de camín ente lo humano y lo animal, inspiraos na fauna asturiana, que van presentar al espectador oxetos, oficios o actividaes rellacionaes col patrimoniu cultural asturianu.
La obra, onde los personaxes van vistíos con elementos de la indumentaria tradicional y calzaos con unes madreñes, cuntó con una Residencia del Programa d'Artes Escéniques del Centru de Recursos Escénicos del Principáu d'Asturies y preséntase dientro del festival 'Rincones y Recovecos'.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
