El costu foi de 2.900 euros, "a preciu de mercáu", señalen
XIXÓN, 21 Jun. (EUROPA PRESS) -
El Gobiernu Municipal de Xixón defendió esti xueves que'l vídeu sobre'l primer añu de mandatu de Foru y PP respeta los llímites llegales de la publicidá institucional, polo que nun se pue considerar "propaganda electoral" como se señaló dende PSOE y IX.
En respuesta a Europa Press, señalóse que foi contratáu dende'l Gabinete de Prensa, al traviés d'un serviciu esternu por nun disponer el Conceyu d'esi tipu de serviciu. El costu total foi de 2.900 euros, incluyíos los díes de grabación, lo que consideraron "preciu de mercáu".
En Comisión de Facienda, y en respuesta al PSOE, el segundu teniente d'alcalde, Jesús Martínez Salvador, argumentó qu'al tratase namás d'un únicu vídeu y nun recibir esti nenguna publicidá de pagu añadida, publicitariamente nun se denomina campaña, sinón que respuende más a lo que s'entiende como acción puntual.
Según él, nun taba, polo tanto, nel ámbitu d'aplicación de la llei 2/2006, que se refier a "publicar sistemáticamente un mensaxe común a una pluralidá de destinatarios, al traviés d'un soporte publicitariu pagáu o cedíu".
Hai que señalar que tanto PSOE como IX criticaren que s'abonara con dineru municipal la realización d'esti vídeu que, pa dambos partíos, buscaba destacar a los dos socios de Gobiernu, Foru y PP.
Andalucía
