UVIÉU, 1 Jul. (EUROPA PRESS) -
El portavoz del Principáu y conseyeru de Facienda, Guillermo Martínez, afirmó sobre la pretensión de la Diputación llionesa de principiar el procesu pa convertise nuna automía que respeten los "procesos internos" de cada comunidá autónoma.
Preguntáu n'Uviéu sobre la propuesta del alcalde de Llión, el tamién socialista José Antonio Díez, de constituyir una autonomía con Asturies, Martínez indicó qu'hai que dixebrar ente l'alcuerdu del plenu de la Diputación --constituise nuna autonomía con Zamora y Salamanca-- y "una manifestación del alcalde de Llión que nun dexen de ser la so opinión personal".
Per otru llau, amás d'un "cariñu recíprocu" ente Asturies y Llión, Martínez destacó la "rellación histórica" ente los dos territorios, destacando'l reinu asturllionés o'l Conseyu d'Asturies y Llión, na Guerra Civil.
Con too, quixo dexar claro que dende'l Gobiernu del Principáu d'Asturies "nun facemos nenguna valoración a una opinión personal del alcalde, respetamos los procesos internos de cada comunidá autónoma".
Andalucía
