UVIÉU, 30 Oct. (EUROPA PRESS) -
El Conceyu de Carreño y la compañía E Vero Teatro entamen esti martes 31 d'ochobre a les 19.00 hores, una procesión de 'La Güestia' peles cais de Candás coincidiendo col víespora de la Nueche d'Ánimes.
La Güestia, personaxe de la tradición mitolóxica asturiana formada por un grupu d'ánimes que s'apaez a les persones que van morrer enantes de finar, va apaecese nel cementeriu y va facer un percorríu peles principales víes de la capital de Carreño.
Primeru de mayu, Les escalinates, la Baragaña, Braulio Busto, Paseín, Conceyu, Muséu Antón y Valdés Pumarino van dibuxar la ruta d'esti espectáculu de cai que va acabar na plaza Les Candases, onde va ser l'actu final.
Ellí va habilitase un micru abiertu pa los que quieran compartir dalguna historia sobre La Güestia, o tamién sobre mitoloxía asturiana, qu'escucharen en casa o a los sos mayores.
Más de 60 persones van participar nesta actividá, qu'amás de la parte cultural y de promoción turística, quier contribuyir a caltener la tradición oral asturiana.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
