Ilegales continuará la xira de 'La vida es fuego', tres la muerte del so baxista

UVIÉU, 17 de Marzu (EUROPA PRESS)

El grupu Ilegales anunció esti xueves que va siguir cola xira, dempués del fallecimientu del baxista Alejandro Blanco, que va empezar en 23 d'abril y Willy Vijande va ser l'encargáu de completar la sección rítmica del grupu nesta nueva etapa.

Pal cantante y guitarrista del grupu, Jorge Martínez, nos últimos díes recibieron "el golpe más duru que pue recordase" y la repentina muerte de Blanco abrió "una firida, tan fonda, que naide na banda ye tan inocente como pa confiar en que cicatrice, por muncho qu'amaneza y vuelva alborecer".

Por too ello, Martínez afirmó que tán "abatíos, pero de pies" y el grupu atrincheróse nos instrumentos "nun estrueldu salvador". "Esa música dura conoznos bien" afirmó y amás añadió qu'ellos conocen bien a esti xéneru.

"El rock siempre tuvo un posu amargu, como'l café sin azucre, les bebíes seques, o'l chocolate puro, porque canaliza emociones non siempre prestoses, pero tremendamente humanes. Naide pue escapar de la so propia naturaleza y ye inevitable que tarde o pronto se recupere l'actividá", según indicaron al traviés d'un comunicáu de prensa.

El tour del discu 'La vida es fuego' será:

23 d'abril. Madrid. Teatru Barceló.

29 d'abril. Barcelona. Sala Apolo.

30 d'abril. Castellón. Sala Opal.

6 de mayu. Sevilla. Sala Custom.

7 de mayu. Granada. Sala Industrial Copera.

14 de mayu. Bilbao. Kafe Antzokia.

15 de mayu. Zaragoza. Sala Oasis.