UVIÉU, 14 Mar. (EUROPA PRESS) -
L'Arzobispáu d'Uviéu aprobó disposisiones d'urxencia nueves pola del Coronavirus y depués de falalo col Gobiernu del Principáu. Una de les principales midíes ye'l pieslle de tolos templos parroquiales, ilesies y capiyes, ensin celebraciones sacramentales nin actos de piedá con persones que llibremente tengan accesu.
Igualmente, queden suspendíos, pel momentu, los calendarios llitúrxicos coles celebraciones previstes pa la cuaresma y la selmana santa en toles ilesies. Llegada la Selmana Santa, va dase dalguna indicación si procediera.
Amás, estiéndese esta decisión a toa otra celebración sacramental --ritu del matrimoniu, bautizos, primeres comuniones, confirmaciones y penitencia--. Asina va ser hasta que consideren que se puen reemprender ensin riesgu na salú pública la normalización d'estos importantes momentos de la vida cristiana.
Sobre los funerales y exequies va aplícase la mesma restricción nes ilesies y demás templos. Va procedese, lóxicamente, al entierru del difuntu con dalguna cenciella oración, pero el funeral na ilesia va ser pa más p'alantre. Los sacerdotes van tar disponibles p'atender a los interesaos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
