UVIÉU 27 Ene. (EUROPA PRESS) -
L'asesinatu d'un home a tiros en La Estación la madrugada del sábadu al domingu foi por un axuste de cuentes por un asuntu de droga, según confirmó esti llunes la delegada del Gobiernu, Adriana Lastra en declaraciones a los medios. "La investigación va a ritmu bonu y esperemos que nos díes vinientes pueda tener yá los sos frutos", destacó Lastra.
La Guardia Civil sigui investigando lo que pasó. Foi a les 00.25 hores de la madrugada del sábadu al domingu cuando l'Institutu Armáu tuvo conocimientu de que se producieren dellos disparos na localidá de La Estación, al altor del kilómetru 2,9 de la carretera AS-374.
Al llugar foron delles patrulles de seguridá ciudadana de los Puestos de Piedrasblancas y de Noreña qu'informaron de la existencia d'una persona finada de 43 años d'edá. Amás, alcuentaron nel llugar varios casquillos correspondientes a munición d'una pistola.
La delegada del Gobiernu indicó que lo únicu que pue treslladar ye que se trató d'un axuste de cuentes. "Eso yá ta claro na investigación, pero como ustedes van entender, más allá d'ehí nun puedo dici-yos namás porque sigue suxetu a investigación y asegúro-yos que dende la Guardia Civil tán destinando tolos recursos precisamente a dar coles persones que cometieron el crime", dixo.