UVIÉU 8 Nov. (EUROPA PRESS) -
El martes 12 de payares, a les 19.00 hores, nel Atenéu Obreru de Xixón, Ástura organiza la conferencia 'De la Prehistoria a la Edá Media al traviés de diez pieces del Muséu Arqueolóxicu d'Asturies', al cargu de María Antonia Pedregal Montes.
El Muséu Arqueolóxicu d'Asturies permite facer un repasu a la historia d'Asturies al traviés de dalgunos de los materiales más importantes del patrimoniu arqueolóxicu asturianu, oxetos que proporcionen información sobre'l pasáu d'Asturies.
María Antonia Pedregal Montes ye llicenciada n'Historia pola Universidá d'Uviéu y especializada na historia medieval d'Asturies. Autora de delles traducciones al asturianu, participó en venti campañes d'escavación arqueolóxica en diez yacimientos diferentes tanto n'Asturies como n'otres partes d'España.
Ye directora del Muséu Arqueolóxicu d'Asturies dende marzu de 2021. Nestos tres años al frente d'esta institución cultural entamó un programa d'actividaes pa mostrar el patrimoniu arqueolóxicu cola organización d'esposiciones temporales, visites guiaes, ciclos de conferencies, talleres pa públicu infantil y adultu, publicaciones y dellos eventos en collaboración con otres entidaes y instituciones.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
