Les muertes por Covid-19 vuelven baxar: 301 en 24 hores

MADRID, 28 Abr. (EUROPA PRESS) -

Les muertes por coronavirus volvieron rexistrar un descensu nes últimes 24 hores, rexistrándose 301 más que'l llunes, cuando se detectaron 331 más, lo que xube la cifra total de finaos por Covid-19 a los 23.822.

En cuanto al númberu de casos confirmaos per PCR, l'últimu informe publicáu pol Ministeriu de Sanidá muestra que 210.773 persones dieron positivu, lo que supón 1.308 más en 24 hores. Coles mesmes, yá curaron 102.548 pacientes, lo que supón 1.673 más, anque la medría ye más baxa que la rexistrada'l llunes cuando hubo 2.144 curaos más que'l domingu.

Per comunidaes autónomes, y como asocedió dende l'empiezu del andanciu, la Comunidá de Madrid ye la rexón con mayor númberu d'afectaos, rexistrándose yá 59.784 afectaos, siguida de Cataluña con 48.158 persones infectaes pol coronavirus.

Coles mesmes, Andalucía tien 11.913 afectaos; Aragón 5.004 infectaos; Asturies, rexistra 2.255 contaxaos; Baleares 1.870 afectaos; Canaries contabilizó 2.187 pacientes; Cantabria yá tien 2.115 pacientes; Castiella-La Mancha tien 15.706 pacientes; Castiella y Llión 16.589 infectaos; Ceuta 100 afectaos; y la Comunidá Valenciana, 10.204 infectaos.

Otra manera, Estremadura rexistra yá 2.751 infectaos; Galicia 9.328 pacientes, anque esta comunidá nun dixebra ente casos confirmaos por PCR o test d'anticuerpos; Melilla 114; Murcia, 1.475 afectaos; Navarra, 4.759 afectaos; País Vascu tien 12.564 pacientes afectaos; y La Rioxa 3.897.

Sobre les muertes, Andalucía yá contabilizó 1.168; Aragón 735; Asturies 261; Baleares 181; Canaries 133 pacientes; Cantabria 188; Castiella-La Mancha 2.396; Castiella y Llión 1.710; Ceuta 4; Comunidá Valenciana 1.200; Estremadura 433; Galicia 412; Melilla 2; Murcia 130; Navarra 432; País Vascu 1.255; y La Rioxa 326 finaos. Madrid yá rexistró 8.048 muertos y Cataluña 4.808.