UVIÉU, 27 Mar. (EUROPA PRESS) -
El sábadu 29 de marzu va haber un eclís parcial de sol que podrá vese dende toa España. Sicasí, los cielos nublos qu'anuncia l'Axencia Estatal de Meteoroloxía (AEMET) p'Asturies van dificultar la observación dende'l Principáu.
En concretu, la Aemet preve cielu nublau tendiendo a pocu nublu pela tarde, cuando nun se refuga dalguna agua débil na mariña. Coles mesmes espérense brumes y probables borrines mañaneres nel interior y unes temperatures mínimes ensin cambeos o en llixeru ascensu.
L'eclís d'esti sábadu va producise pola interposición de la Lluna ente'l Sol y la Tierra y va algamar una magnitú máxima cimera a 0,4 nel estremu noroeste de la península, superior a 0,3 nes isles Canaries y l'oeste peninsular y superior a 0,2 nel este de la península y Baleares.
Nel casu d'Asturies, l'eclís empieza a les 10.48 hores y termina a les 12.40 hores. El máximu va producise a les 11.43 hores, según l'Observatoriu Astronómicu Nacional.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
