Marina Pangua algama la primer edición del Premiu 'Muyer' de Narrativa

UVIÉU 19 Nov. (EUROPA PRESS) -

La escritora uvieína Marina Pangua fíxose col I Premiu 'Muyer' de Narraciones, qu'entama Ediciones Trabe. La obra gallardonada, d'énte les nueves que se presentaron, ye la novela 'Pel norte n'El Cantu Lluna', ópera prima de l'autora y que foi escoyida por unanimidá.

El xuráu, aconceyáu el 18 de payares, taba formáu por Natalia González Menéndez, Ángeles Carbajal Roza, María Dolores Rodríguez Vázquez y María Fernández Abril, actuando como presidenta Esther Prieto Alonso y de secretariu Samuel Castro González. El premiu ta dotáu con 2.000 euros y la publicación de la obra dientro de la colección 'Incla'.

"'Pel norte n'El Cantu Llunada' ye una novela muncho bien estructurada, vertebrada pola música, de llectura esixente, escrita con voluntá d'estilu y enllena finura", indiquen dende la editorial.

L'autora, una voz nueva na narrativa asturiana, presenta una obra coral, na que los personaxes van moviéndose xeográficamente dende un pueblu d'Asturies a países y ciudades europees, movimientu que diversifica'l paisaxe y los ambientes.

Marina Pangua Cuesta (Uviéu, 1992) formó parte de dellos proyectos musicales como Verdasca o l'Asociación de Música Tradicional Muyeres. Profesora de Secundaria, pon clase de Francés.