Mieres abre la convocatoria del Teodoro Cuesta de Poesía

UVIÉU 12 Sep. (EUROPA PRESS) -

El Conceyu de Mieres, al traviés de la conceyalía de Normalización Llingüística que dirixe Belén Alonso, informa de que'l Boletín Oficial del Principáu d'Asturies (BOPA) publicó esti 12 de setiembre, l'estractu de la convocatoria del Premiu Teodoro Cuesta de Poesía en llingua asturiana na so XXXIII edición.

Trátase d'un de los gallardones de más prestixu de la poesía n'asturianu, dotáu con un premiu de 4.000 euros. Según consta nes bases, van poder participar toles persones que quieran con un poemariu inéditu, orixinal y escritu en llingua asturiana.

Estos trabayos --orixinal y cuatro copies-- van entregase firmaos con alcuñu y con sobre zarráu colos datos y breve biografía del autor o l'autora, per corréu postal a la Secretaría de la Casa de Cultura de Mieres o de la Oficina del Rexistru Xeneral Municipal del Conceyu de Mieres.

El plazu de presentación de los poemarios va ser de 15 díes hábiles a cuntar dende la publicación d'esta convocatoria. Tola información pue consultase nes bases, publicaes nel BOPA el 27 de setiembre de 2022 y también nel enllaz de la web municipal: www.mieres.es/cultura/concursos-certamenes-premios/premiu-te...

El Premiu Teodoro Cuesta cuenta nel so palmarés con autores de prestixu de les lletres asturianes como Berta Piñán, Xuan Bello, Lourdes Álvarez o Vanesa Gutiérrez.