Muerre l'escritor Arthur C. Clarke, autor de '2001: Una odisea nel espaciu'

COLOMBO, 19 de Marzu (Reuters/EP)

L'escritor británicu de ciencia ficción Sir Arthur C. Clarke, autor de '2001: Una odisea nel espaciu', morrió en Sri Lanka a los 90 años d'edá d'un ataque cardiorrespiratoriu, según informó güei'l so secretariu personal, Rohan de Silva.

Autor de más de 80 llitros de cientos de narraciones cortes y artículos a lo llargo de siete décades de trabayu, nació en 1917 en Somerset. Demientres la Segunda Guerra Mundial sirvió como especialista de radares na Royal Air Force y tres la contienda introdúxose na Sociedá Interplanetaria Británica.

La so fama débese sobre tou a la so novela '2001: Una odisea nel espaciu', que'l director de cine Stanley Kubrick llevó a la pantalla en 1968.

Nos años cuarenta anunció que l'home diba llegar a la lluna sobre l'añu 2000, una predicción que despreciaron los espertos. Cuando Neil Armstrong aterrizó nel satélite en 1969, el Gobiernu d'Estaos Uníos declaró que Clarke "aportó l'emburrión intelectual que mos fizo llegar a la lluna".

El pasáu mes d'avientu, caundo celebró la so "90 órbita alredior del sol", llamentó ante los sos amigos que nun viera nenguna evidencia de vida estraterreste a lo llargo de los sos 90 años d'existencia. Tamién pidió tres deseos pol so cumpleaños: que los estraterrestres se manifiesten, que los homes dean una patada a los sos hábitos rellacionaos col petroleu y que Sri Lanka algame la paz.