"Nun podemos llanzar tovía les campanes al vuelu", afirma Cultura sobre l'informe de la UNESCO de la cultura sidrera

UVIÉU 8 Nov. (EUROPA PRESS) -

El director xeneral de Patrimoniu Cultural del Principáu, Pablo León, afirmó que tán "satisfechos" col informe favorable de los técnicos de la UNESCO pa que la cultura sidrera sía declarada Patrimoniu Cultural de la Humanidá. Con too, esplicó que nun se pueden "llanzar tovía les campanes al vuelu".

En declaraciones a los medios en Xixón esti vienres, León esplicó que l'informe namás ye "ún más de los que son preceptivos na tramitación del espediente de declaración como Patrimoniu Mundial de la Cultura Sidrera". Asina, afirmó que se trata d'un informe favorable del órganu asesor de la UNESCO en temes de patrimoniu material, "colo que tamos satisfechos, pero tovía nos queda'l pasu final".

El documentu va tener en cuenta los evaluadores cuando llegue'l momentu de la decisión final n'avientu. "Ye ehí onde verdaderamente va tar la decisión, onde va haber el debate, onde va haber una delegación del Ministeriu de Cultura y d'Asturies que tea defendiendo la candidatura y ehí va ser onde vamos poder, espero, celebrar l'éxitu.

"Esta ye una noticia bona, de xuru que si fuera desfavorable l'informe, pondría pates p'arriba la candidatura, pero tovía nun significa que salga, pero tamos mui ilusionaos y esperanzaos porque esti informe va na llinia de lo que propón Asturies", sentenció.