Óscar Puente evita poner fecha nueva a la entrega de los trenes Avril a la espera de Talgo

MADRID/UVIÉU 6 Mar. (EUROPA PRESS) -

El ministru de Tresportes y Movilidá Sostenible, Óscar Puente, evitó comprometese con plazos nuevos sobre la entrega de los trenes Avril, a la espera de que'l so fabricante, Talgo, acabe les pruebes y los entrgue definitivamente al Gobiernu con cuasi dos años de retrasu.

En declaraciones a la prensa, el ministru treslladó la esperanza del Executivu de tener "ceo" noticies positives de la compañía: "Oxalá'l retrasu sía lo más curtio posible, la nuestra prioridá agora ye que Talgo remate les pruebes con éxitu y podamos ponelos en serviciu".

Estes rexones yá tán poniendo enriba la mesa la posibilidá de llograr compensaciones del Estáu, porque la fecha inicial prevista yera branu de 2022 y, apocayá, el ministru comprometióse a que taríen en serviciu enantes del 31 de marzu, una fecha agora difícil de cumplir.

Sobre estes compensaciones, el ministru nun les refugó, diciendo qu'una vez lleguen va falar de qué midíes puen establecese, anque insistió en que la so prioridá ye que Talgo respuenda a los sos compromisos, qu'agora apunten al primer cuatrimestre del añu.

Per otru llau, la indemnización solicitada por Renfe a Talgo xube a 116 millones d'euros por esti retrasu, anque la empresa nun cree qu'esti pagu llegue a materializase, porque esa reclamación nun se formalizó entá.