Pablo Iglesias y Irene Montero publiquen tweets n'asturianu pa homenaxar a Yolanda Huergo

UVIÉU, 7 Ago. (EUROPA PRESS) -

El vicepresidente segundu y secretariu xeneral de Podemos, Pablo Iglesias, y la ministra d'Igualdá, Irene Montero, escribieron esti xueves dos tweets n'asturianu pa tresmitir el so pesame a la familia y a los amigos de la portavoz de Podemos en Xixón, Yolanda Huergo.

La conceyala, que falleció esti xueves depués d'una enfermedá llarga, yera hasta na so entrada na política una conocida activista pola defensa de los derechos llingüísticos de los asturianos.

Militante de la Xunta pola Defensa de la Llingua Asturiana dende los años noventa, el so fallecimientu conmocionó al mundu de la cultura asturiana, polo que Pablo Iglesias y Irene Montero quixeron da-y un homenaxe usando esta llingua pa recordala.

"Güei ye un día pertriste. Muncha fuercia y el mio cariñu pa familia y amigos y pa tola xente de Podemos Asturies. Que la tierra sía leve, collacia. Nun vamos escaecete", escribió'l vicepresidente de Derechos Sociales y Axenda 2030 y secretariu xeneral de Podemos n'homenaxe a Yolanda Huerga.

Per otru llau, la ministra d'Igualdá, Irene Montero, tresmitió na so cuenta personal el so "abrazu a les familiares y amigues de Yolanda, una compañera comprometida cola so tierra y la so llingua a la que se va echar muncho de menos". "Que la tierra te sía leve", sentenció Montero.