Paru.- El númberu de desemplegaos baxa en 252 persones en febreru nel Principáu, un 0,46 por cientu

UVIÉU, 04 de Marzu (EUROPA PRESS)

El númberu de paraos rexistraos nes oficines d'emplegu del Institutu Nacional d'Emplegu (Inem) nel Principáu d'Asturies al final del mes de feberu subió a 54.371, lo que supón una baxada de 252 persones respecto al mes de xineru, según informó'l Ministeriu de Trabayu.

En términos relativos, l'aumentu del paru nel mes de febreru nel Principáu foi del 0,46 por cientu respecto al mes de xineru. En relación a febreru del 2007, el paru baxó en 1.242 persones, un 2,23 por cientu.

No que respecta al paru masculín, ésti asitióse en 20.768 persones, mientres que'l femenín algamó un total de 33.603 persones. Por edaes, 5.582 paraos son menores de 25 años, mientres que 48.789 supera los 25.

Por sectores, el paru baxó en 170 persones nel sector Industria; en 60 persones nel de Servicios; cinco persones nel sector de la construcción y en 15 persones nel colectivu ensin emplegu anterior.

En cuantes al paru rexistráu nos estranxeros nel Principáu d'Asturies demientres el mes de febreru asitióse en 2.477 persones. Asina, el sector con más estranxeros en paru n'Asturies ye Servicios (1.428 desemplegaos), siguíu de la Construcción (418), Industria (129), Agricultura (93) y el colectivu Sin Emplegu Anterior (409).

Nel conxuntu nacional, el númberu de paraos rexistraos nes oficines del Institutu Nacional d'Emplegu (Inem) subió en 53.406 persones en febreru, el 2,3 por cientu respecto a xineru, colo que la cifra total de desemplegaos asitióse en 2.315.331 paraos.