Piñán va proponer al conseyu de Gobiernu poner el nome de Pepe El Ferreiro al Muséu Etnográficu de Grandas

UVIÉU, 16 Jun. (EUROPA PRESS) -

La conseyera de de Cultura, Política Llingüística y Turismu, Berta Piñán, anunció esti martes que'l xueves va llevar a sos mios compañeros del conseyu de Gobiernu la propuesta de poner el nome de Pepe El Ferreriro al Muséu Etnográficu de Grandas de Salime.

Anunciólo na so intervención énte'l Plenu de la Xunta Xeneral pa responder a una interpelación del diputáu de Foru, Adrián Pumares, sobre la restauración del Chao San Martín. Pumares mostró les sos condolencias pola muerte de José María Naveiras Escanlar, más conocíu como Pepe El Ferreiro y anunciando que'l so grupu tamién va presentar iniciatives pa caltener la so memoria.

La conseyera sumóse a les palabres del diputáu de Foru y destacó les aportaciones de Pepe El Ferreiro a la cultura y patrimoniu asturianu.

L'etnógrafu José María Naveiras Escanlar, Pepe El Ferreiro, morrió esti sábadu a los 78 años d'edá. El fundador del Muséu Etnográficu de Grandas de Salime yera una de les personalidaes más destacaes na investigación de la cultura del Occidente asturianu.

Descubridor del Chao Samartín, en 1983 fundó'l Muséu de Grandas y en 2010 destituyéronlu dende la Conseyería de Cultura como director, lo que xeneró una de les más grandes polémiques sobre la xestión del patrimoniu na rexón.