Los principales edificios d'Asturies van illuminase de verde p'apoyar la candidatura de la cultura sidrera

UVIÉU 25 Nov. (EUROPA PRESS) -

El Gobiernu d'Asturies va illuminar de verde los principales edificios y equipamientos del Principáu del 2 al 8 d'avientu p'paoyar la candidatura de la cultura sidrera asturiana a Patrimoniu Cultural Inmaterial de la Humanidá de la Unesco, un xestu simbólicu al qu'inviten a los ayuntamientos, instituciones públiques y privaes, organizaciones y sociedá civil a sumase.

"El color verde simboliza tanto los paisaxes d'Asturies como la mazana cola que s'ellabora la bebida identitaria más señalada de la comunidá autónoma. Tamién la tradicional botella de vidru verde dende la que s'echa la sidra. Amás, representa la esperanza de llograr esti reconocimientu mundial, que va tener un impactu importante pal Principáu", indiquen dende'l Principáu al traviés de nota de prensa.

Pa resolver les duldes sobre esta iniciativa, les persones interesaes pueden unviar les sos consultes a la dirección de corréu electrónicu conseyeriadecultura@asturias.org.

La conseyera de Cultura, Política Llingüística y Deporte, Vanessa Gutiérrez, y el director xeneral de Patrimoniu Cultural, Pablo León, van viaxar cola delegación española que coordina'l Ministeriu de Cultura a la ciudá d'Asunción, en Paraguái, pa defender la candidatura asturiana.

La inclusión de la cultura sidrera asturiana na Llista del Patrimoniu Cultural Inmaterial de la Humanidá de la UNESCO va decidise na 19ª reunión del Comité Intergubernamental pa la Salvaguardia del Patrimoniu Cultural Inmaterial.