UVIÉU, 2 Abr. (EUROPA PRESS) -
La Conseyería de Mediu Rural y Política Agraria del Gobiernu asturianu activó'l protocolu de venenos en topando muertos esti miércoles a un llobu en Proaza y a una utre en Cabrales.
Los restos de dambos animales fueron treslladaos al Centru de Recuperación de la Fauna Montesa de Sobrescobiu, onde se-yos va practicar la necropsia pa determinar les causes de la so muerte, según informó'l Principáu al traviés d'una nota de prensa.
El cuerpu del llobu foi alcontráu nuna escombrera de la localidá de Banduxu, en Proaza. Nuna primer inspección, los axentes del Mediu Natural determinaron que l'animal llevaba muertu siquier una selmana. Al abarruntar d'un posible envelenamientu, activaron el protocolu correspondiente.
El cuerpu de la utre foi topáu nun bebederu de la mayada de Ondón, en Cabrales, nun llugar aislláu y de mal accesu. Los guardas del Principáu rastrexaron yá la redolada de Banduxu en busca de sustances tóxiques y tomaron amueses de los restos d'un potru que fuera atacáu na mesma zona de Proaza. Amás, van revisar tamién la área de Ondón en busca de cebos o otros animales afectaos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
