UVIÉU, 18 Sep. (EUROPA PRESS) -
El presidente del Principáu, Adrián Barbón, y el presidente de la Diputación Provincial de Llión, Gerardo Álvarez Courel, suscribieron esti miércoles el conveniu que va permitir electrificar la Estación Fontes d'Iviernu pa la temporada d'esquí viniente.
Según indiquen dende l'Executivu autonómicu, el Gobiernu d'Asturies va abonar a l'alministración provincial llionesa dalgo más de 1,8 millones pa garantizar el suministru eléctricu nes instalaciones ayeranes.
D'esta manera, el conveniu pretende amenorgar el desembolsu de la Diputación de Llión pa la construcción del tendíu eléctricu qu'ufierta enerxía a la parte d'inflúi de la Estación de San Isidro. L'oxetivu ye cofinanciar esi gastu pa que Fontes d'Iviernu pueda facer usu tamién de la infraestructura eléctrica y pal suministru completu de la estación ayerana va fixase una media de tensión de 935 quilovatios.
"Esti nun ye namás un pasu fundamental pa Fontes d'Iviernu, sinón tamién pa los vínculos ente Llión y Asturies, porque nos va permitir trabayar nel siguiente finxu nel que tenemos que centranos agora: la fusión de les dos estaciones pa crear un únicu complexu, una estación grnade qu'una les dos partes del cordal", afirmó Barbón depués del actu de firma, al qu'asistieron tamién la conseyera de Cultura, Política Llingüística y Deporte, Vanessa Gutiérrez, y la directora xeneral d'Actividá Física y Deporte, Manuela Fernández.
Andalucía
