El Principáu flexibiliza la caducidá del billete únicu pola situación esceicional

UVIÉU, 14 Mar. (EUROPA PRESS) -

El Consorciu de Tresportes d'Asturies (CTA) va flexibilizar a partir d'esti domingu los servicios al traviés billete únicu énte la situación esceicional pol coronavirus. Asina, el CTA va poner en marcha normes escepcionales pa garantizar un usu afayadizu de la tarxeta de los usuarios.

Una d'eses normes pasa pela caducidá del bonu de 10 viaxes y de les modalidaes del abonu mensual con fecha de fin d'usu ente'l 14 de marzu y el 29 d'abril de 2020, que va retrasase hasta'l 30 d'abril de 2020.

Esta operación va efectuase automáticamente al realizar cualesquier recarga nueva a partir de mañana domingu, 15 de marzu. Tamién va poder aplicase dende esa mesma fecha en cualquier puntu de venta solicitando la execución d'operaciones pendientes sobre la tarxeta, ensin necesidá de realizar nengún pagu o trámite adicional.

Les xestiones puen realizase en cualquier momentu enantes del 30 d'abril de 2020, polo que ye conveniente que los usuarios que nun precisen movese estos díes retrasen la operación hasta que la situación se normalice.

Per otru llau, el funicular a Bulnes, nel conceyu de Cabrales, namás va tener serviciu a partir de güei a los vecinos del llugar como midida de contención del coronavirus.