UVIÉU 4 Oct. (EUROPA PRESS) -
El Gobiernu del Principáu va apurrir la Medaya d'Asturies a la princesa Leonor de Borbón el xueves 24 d'ochobre nun actu que na biblioteca de la Universidá d'Uviéu, según informen dende l'Executivu autonómicu en nota de prensa.
El Conseyu de Gobiernu alcordó'l 19 d'avientu conceder esti reconocimientu a la Princesa d'Asturies pola so mayoría d'edá, al igual que yá fixo en 1986 col so padre, Felipe VI, en dambos casos pola so condición d'herederos al tronu. Leonor de Borbón cumplió 18 años el 31 d'ochobre de 2023, fecha na que tamién xuró la Constitución.
La Llei 4/1986, de 15 de mayu, Reguladora de los Honores y Distinciones del Principáu, establez na so disposición final primera que los príncipes y princeses d'Asturies van recibir "por derechu propiu" la Medaya d'Asturies, el reconocimientu máximu que se concede a nivel autonómicu.
El presidente del Principáu, Adrián Barbón, yá comunicara a Felipe VI la intención del Conseyu de Gobiernu d'otorgar la medaya a la Princesa d'Asturies na ronda de contactos que'l monarca caltuvo en setiembre de 2023 colos mandatarios autonómicos escoyíos nos últimos comicios.
Andalucía
