Sumar comprométese a que les "llingües históriques" algamen la oficialidá

UVIÉU/MADRID, 6 Jul. (EUROPA PRESS) -

Sumar, el partíu nuevu de Yolanda Díaz, trata ente les sos propuestes culturales de cara a les elecciones xenerales la situación de les llingües non oficiales. "Vamos impulsar que toles llingües históriques algamen la so oficialidá", apuesta Sumar, qu'amás propón una Llei de Llingües que "reconoza la realidá plurillingüe d'España".

"La política tien que tener en cuenta, tamién, pal papel del Institutu Cervantes y la so proyección nel esterior", recueye'l programa, pa depués plantear la promoción de premios pa reconocer la creación lliteraria en llingües cooficiales del Estáu "homologables al Premiu Cervantes".

Sumar tamién se compromete a impulsar una Llei Estatal d'usu y enseñanza de llingües oficiales y minorizaes si algama la Presidencia del Gobiernu depués de les elecciones xenerales del 23 de xunetu.

TE PUEDE INTERESAR

Precio, modelos y puntos de recarga: Qué saber para comprar un coche eléctrico

L'oxetivu d'esta llei, según esplica'l documentu, ye "protexer" les llingües oficiales del Estáu y "potenciar la igualdá llingüística". "El sistema educativu ye l'espaciu pa garantizar que se conozan y estudien", precisa la formación

Coles mesmes, n'otru apartáu del programa al que tuvo accesu Europa Press, pa fomentar la diversidá audiovisual, les televisiones públiques van tener que dedicar un porcentaxe de los sos ingresos a l'alquisición de títulos en llingües oficiales del Estáu, títulos europeos (non españoles) y llatinoamericanos en condiciones equilibraes de mercáu.